Museoak.bizkaia.eus helbideak cookie-ak erabiltzen ditu, bereak zein hirugarrenenak, zerbitzua hobetu eta nabigazio ohiturei buruzko informazio estatistikoa lortzeko. Nabigatzen jarraitzen baduzu haien erabilera onartzen duzula ondorioztatuko dugu. Informazio gehiago nahi izanez gero Cookie-en atala kontsulta ezazu.

 

Eleiz Museoa

Eleiz Museoan ikus daitezkeen lanak Bizkaiko tenpluetatik ekarri dira: elizetatik, baselizetatik eta komentuetatik.

Bizkaian eta bizkaitar artistek egindakoak dira asko eta asko. Beste batzuk, berriz, kanpotik iritsi dira, baina gure lurralderako beren-beregi eskatutakoak izan ziren. Museoa ez da arte ederretakoa, azken 800 urteetako bizkaitar artearen museoa baizik. Erromanikotik gaur egunera artekoa.

Museoak Atxuriko Enkarnazioko komentuaren solairu bi hartzen ditu. Lehen solairuan, urregintzako bilduma ederra ikus daiteke. Hemen egindako piezen ondoan daude Ameriketatik ekarritako lan bikain-bikainak. Opariak dira azken horiek, bizkaitarrek han arrakasta ekonomikoa lortu, eta euren jatorriko parrokiak ahaztu barik egindakoak. Hemen dago erlijio-arte garaikidearen aretoa, azken mendeko artista nabarmenek eginikoa: Larrea, Uranga, Romero de Torres... Bigarren solairuan, berriz, erromanikotik neoklasizismorako bidea egiten dute eskulturek eta pinturek, honelako artisten lanekin: Beaugrant, Luca Giordano, Carnicero, Paret...

Eleiz Museoa

Datu orokorrak

Zuzendaria: Juan Manuel González Cembellín
Helbidea: La Encarnación enparantza, 9B. 48006. BILBO
Telefonoa: 944 32 01 25
Posta elektronikoa:
museo@eleizmuseoa.com
Web orrialdea: www.eleizmuseoa.com

Ordutegia

Asteartetik larunbatera: 10:30-13:30 / 16:00-19:00
Igandeetan eta jaiegunak: 10:30-13:30
Astelehenak: itxita
Itxita urtarrilaren 1 eta 6an eta abenduaren 24, 25 eta 31an

Zerbitzu osagarriak

Bisita gidatuak
Tailer didaktikoak
Udako tailerrak
Komentuko gozokiak

Tarifak

Orokorra: 3€
Murriztua: 1,5€ (adinekoak, 25 urterainoko ikasleak eta 10 baino gehiagoko taldeak)
Astearteak: doako sarrera

 

Aldundiaren Logoa